Тони Цетински особено емотивно ја доживува секоја годишнина од смртта на Тошет Проески, а завчера се одбележуваа 16 години откако си замина големата балканска ѕвезда.
Цетински за таа прилика подготви писмо за Тоше со кој своевремено го сними незаборавниот дует „Лагала нас мала“.
– Ова се тешки времиња, но нема предавање бидејќи ништо не е толку тешко како овие 16 години без тебе – беа првите зборови на Тони.
– Толку тежок ден што ми е мачно и така секогаш кога се сеќаваме на тоа кобно утро откако те нема. Од денот кога замина овде на земјата, за нас кои те сакавме, некоја визија за идеален свет исчезна преку ноќ. Живееме, сакаме, работиме, но ништо не е исто без тебе, мој Тоше, ништо. Со тебе полесно минуваа и тешките денови. Сè беше полесно и се беше можно – пишува Тони.
Цетински, како што додава, знае дека Тоше е таму некаде и дека бдее над нас, но …
– Ни недостасува твоето физичко присуство и твојата насмевка како и твојот збор и глас. Твојот нежен поглед и твојата разиграност на мало дете во тело на возрасен полн со разбирање за секој. Често мислам дека не можам повеќе, но потоа во истата секунда го даваш својот знак. Или ќе се слушне твојата песна или некој ќе прати порака поврзана со тебе која ме охрабрува и ми дава сила да се соберам и да продолжам понатаму. Никогаш нема да можеме доволно да ти се заблагодариме и нема да те прежалиме, брате мој. Секоја годишнина од твоето заминување е тажна, секој ден и секој момент е тажен, но мора да живееме во надеж дека повторно ќе се сретнеме – заврши Тони.
