80-годишниот американски актер Роберт де Ниро призна дека не ѝ помага на својата девојка околу нивната новородена ќерка. За ова пишува Гардијан.
Таткото на седум деца рече дека не се занимава со „напорна работа“ кога станува збор за одгледување на неговата 5-месечна ќерка Џиа Вирџинија, која актерот ја има во врската со Тифани Чен (45).
„Не може да биде полесно“, рече тој во едно интервју кога актерот беше прашан за татковството.
„Мислам, јас не ја работам напорната работа. Таму сум, ја поддржувам мојата девојка. Но, таа ја завршува работата. И имаме помош, што е многу важно“, додаде Де Ниро.
На новинарско прашање дали на актерот му се допаѓа татковството, Роберт де Ниро одговори: „Секако дека го сакам [дека ми се допаѓа] сето тоа“.
„Јас не зборувам со големите деца како што зборувам со моето мало дете“, додаде актерот.
Де Ниро и Чен станаа родители на ќерката Џиа во април 2023 година, првото заедничко дете на парот.
Во тоа време, двапати разведениот оскаровец веќе имаше шест деца: Дрен (52) и Рафаел (46) со поранешната сопруга Дијан Абот; близнаците Џулијан и Арон, 27, со поранешната девојка Туки Смит; и Елиот (25) и Хелен (11) со поранешната сопруга Грејс Хајтавер.
