Познатата фолк-пејачка Зуица Лазова го прослави својот 52. роденден со музика, песна и во друштво на сопругот, пејачот Наум Петрески.
На фотографиите што ги објави на Фејсбук се гледа дека прославата поминала во весела атмосфера, со музичари кои свиреле во живо. Наум ѝ запеал на својата сопруга, додека таа насмеана уживала во музиката.
Зуица и Наум се еден од најпознатите музички и љубовни двојки на македонската естрада. Заедно се повеќе од две децении и имаат две деца, ќерката Македонка и синот Стефан, кои исто така се занимаваат со музика. Во 2022 година Наум и Зуица се венча во Охрид.
Во едно од претходните интервјуа Зуица со многу љубов зборуваше за својот сопруг и откри со што ја освоил.
„Наум ме освои со стасот, со гласот, особено со смислата за хумор, но најмногу со неговата душа како планина“, рече Зуица.
Таа тогаш зборуваше и за тајната на нивната долга љубов.
„Верувам дека не постои врска без несогласувања, но ние успешно ги надминуваме досега. Тоа што сме колеги некогаш е предност, но пак, некогаш е товар. Но, на крај љубовта решава сѐ!“, изјави пејачката.
Зуица е родена во Штип на 31 октомври 1974 година. Освен што е позната по своите настапи и народни песни, таа работи и како професорка по хармоника во ДМБУЦ „Илија Николовски – Луј“ во Скопје.
За својот 50. роденден, во 2024 година, го претстави музичкиот проект „5 за 50“, со пет композиции, а и годинава не изостанаа музиката, доброто расположение и љубовта на нејзиниот сопруг Наум.
