Пејачката Зорица Брунцлик веќе неколку недели не се појавува во јавноста, што особено се забележа во последните емисии на музичкото шоу „Ѕвездите на Гранд“ , каде што таа е член на жирито. Причината за нејзиното отсуство се здравствени проблеми, поради кои била оперирана на 12 февруари.
Според информации на српските медиуми, пејачката неодамна имала и уште една медицинска интервенција, што дополнително ја усложнило нејзината здравствена состојба.
За Брунцлик се грижи тим на лекари и професори од белградската болница „Драгиша Мишовиќ“, кои прават напори нејзината состојба да се стабилизира.
„Состојбата на Зорица ја следи тим од врвни стручњаци, професори и лекари од болницата ‘Драгиша Мишовиќ’. Минатата недела ѝ беше извршена цистоскопија, а лекарите прават сè за нејзината состојба да се стабилизира и да се подобри“, изјавил извор за медиумите.
Цистоскопијата е медицинска процедура со која се прегледува внатрешноста на мочниот меур и уринарните патишта, а често се користи за утврдување на причините за одредени здравствени тегоби.
Во меѓувреме, на снимањето на шоуто се појавија членовите на жирито Ѓорѓе Давид, Александар Милиќ Мили и Ана Бекута. На прашањето дали се слушнала со Брунцлик, Бекута кратко одговорила дека не разговарале.
„Не знам, не знам ништо, а и да знам – не би коментирала. Не се слушнавме, само им испратив две срца на Кемиш и на неа“, изјавила Бекута.
Пејачката во овој период е опкружена со семејството и лекарите, а нејзините обожаватели се надеваат дека здравствената состојба наскоро ќе се подобри.
