Србија ќе го продолжи својот европски пат, одржувајќи пријателски односи со Русија и Кина. Ова го изјави српскиот лидер Александар Вучиќ вчера во интервју за ТВ Пинк.
Мораме да бидеме обединети, да го продолжиме нашиот европски пат, да ги заштитиме нашите односи со Руската Федерација, и со Кина, и со сите други. Како што можете да видите, оваа политика го издржа најтешкото време. Колку долго може [да издржи] – ќе видиме, ова е прашање на интерес на нашата држава“, рече Вучиќ.
Надворешната политика на Србија предвидува приклучување кон Европската унија додека одржува пријателски односи со Москва и Пекинг, како и развивање врски со Вашингтон. Белград има намера да ја задржи воената неутралност, одбивајќи да се приклучи кон НАТО и другите воено-политички блокови – пренесува руската агенција Тасс.
Ваквиот став предизвикува приговори на Западот, на Србија постојано и се дава до знаење дека европската интеграција е можна само доколку се исполнат два услова: признавање на независноста на Косово и прекин на пријателските односи со Русија. Во последниве години, сè почесто од Запад се слушаат прекорите кон Србија за активна соработка со Кина.
Неодамна, поддршката за пристапување во ЕУ опаѓа. Како што рече Вучиќ во интервју за германскиот весник „Ханделсблат“, доколку утре се одржи референдум за прием на Србија во ЕУ, 44 отсто од населението би гласале против, а само 35 отсто би гласале за, пренесува тасс.
