Претставницит на Србите на Косово и Метохија објавија дека се повлекуваат од Собранието, Владата и сите институции во Приштина, како и дека го суспендираат учеството во полицијата и судството.
Ова беше по средбата во Звечан на која беа собрани политички и институционални претставници на Србите, изјави Горан Ракиќ, претседател на Српска листа, пренесуваат српските поратли.
Тој рече дека одлуките остануваат во сила додека Приштина не ги повлече своите еднострани одлуки во врска со регистрацијата на регистарските таблички и не формира ЗСО, и ги повика властите во Приштина да се вратат на почитување на меѓународното право.
Во меѓувреме, во ткот на ноќта претседателот на Србија Вучиќ разговарал со Србите од Косово и Метохија и со пратеникот на ЕУ за дијалог меѓу Белград и Приштина, Мирослав Лајчак. Средбата со Лајчак траела повеќе од 5 часа.
Потоа, Вучиќ се сретнал и со амбасадорите на Република Кина и на Русија.
Вучиќ ја информирал кинеската амбасадорка дека Белград го почитувал бриселскиот договор, но дека Приштина не сакала да го стори тоа.
View this post on Instagram
По средбата со кинескиот амбасадор, Вучиќ веднаш оствари средба и со рускиот амбасадор во Белград, Александар Боцан-Харченко.
– Го информирав амбасадорот Боцан-Харченко за безбедносната состојба на Косово и Метохија и за проблемите со кои се соочуваат Србите. Ја повторив нашата благодарност за принципиелниот став и поддршката на Руската Федерација за суверенитетот и територијалниот интегритет на нашата земја – напиша претседателот на Инстаграм.
За утре пак, закажан е голем собир на Србите на северот на Косово и Метохија на кој сите ќе го носат знамето на Србија, а најавени се и протести поради режимот на Аљбин Курти.
