Скандалот што го започна холандската верзија на книгата „Крај на играта“ на Омид Скоби не стивнува. Според холандската верзија, британскиот крал Чарлс Трети и Кејт Мидлтон дале расистички коментари за бојата на кожата на Меган Маркл и синот на принцот Хари, Арчи Харисон. Војвотката и војводата од Сасекс се уште не ја коментирале оваа невидена афера. Внуката на Нелсон Мандела, Ндилека Мандела вчера гостуваше во Би-Би-Си и го коментираше овој развој на настаните.
Издавачката куќа, која ја објави книгата на повеќе јазици, а со тоа и на холандски, тврди дека имало грешка во преводот, што го кажа и авторот Омид Скоби. Водителот Пирс Морган ги именуваше имињата на членовите на кралското семејство кои ги кажале контроверзните зборови, минатата недела на „The Talk“, за што многумина го критикуваа, сметајќи дека молчењето е подобро решение.
„Верувам дека Хари и Меган Маркл морале да пронајдат сопствен глас, на сличен начин на кој мојот дедо мораше да го пронајде сопствениот глас кога мораше да побегне од договорениот брак. Затоа, како и на секоја друга личност, треба да им се даде простор да ги изнесат сите свои сомнежи“, рече внуката на Нелсон Мендела во емисијата на Би-би-си „Sunday with Laura Kuenssberg”.
На прашањето дали Меган и Хари според нејзиното мислење биле изложени на расизам, таа одговара: „Не можам да зборувам дали нивните деца биле дискриминирани. Немам информации од прва рака за тоа. Но можам да кажам дека треба да им се дозволи да го изнесат тоа што сакаат и да го изберат својот пат. Ако мојот дедо не го одбра својот пат кога побегна од договорениот брак, немаше да ја имаме Јужна Африка за која денес зборуваме. Значи, на луѓето треба да им се дозволи да ги претстават различните патувања и треба да им се дозволи да одат по различни патишта во жовотот“, објаснува внуката на Мендела, а пренесува Дејли меил.
Меган Маркл и принц Хари се уште не се огласиле за скандалот, а нивното молчење водителот Пирс Морган го окарактеризираше како срамно.
