Хрватскиот музичар Петар Грашо (50) и пејачката Данијела Мартиновиќ (54) беа во вонбрачна заедница 24 години, а потоа се разделија во 2021 година, што ја изненади регионалната јавност. Петар набрзо започна љубовна врска со Хана Хуљиќ, ќерка на неговиот колега Тончи Хуљиќ.
Петар и Хана се венчаа во 2022 година. Истата година ја добија ќерката Алба, а две години подоцна и синот Тони.
По раскинувањето меѓу Петар и Данијела, пејачката никогаш јавно не се огласи детално за крајот на нивната долга љубовна врска и заеднички живот. Во 2022 година таа започна врска со Јосип Плавиќ, поранешен криминалистички инспектор и рок-пејач. За улогата на мајка, за која сè уште не се остварила, таа во една прилика изјави дека ѝ е голема желба.
Од друга страна, Петар Грашо се соочил со бројни осуди на социјалните мрежи. Го обвинуваа дека ја напуштил Данијела затоа што немале деца. Пејачот еднаш ги коментираше нападите на интернет и откри во каков однос се со Данијела по прекинот на нивната долга врска и заедничкиот живот.
Тој изјави:
„Кај нас сè е чисто и јасно, останавме во добри односи. Не би знаел како да коментирам, ниту што да кажам за сите тие текстови што се појавуваа за нас во претходниот период во медиумите. Ме интересираат коментарите на стручни луѓе. Исто така го почитувам мислењето на најблиските во однос на приватниот живот. На пример, кога ќе ми кажат дека сум направил грешка, се обидувам да се поправам, но не обрнувам внимание на коментари од оние што за мене формираат мислење врз основа на написи што ретко ги читам. И покрај тоа, дури и тогаш немам проблем со хејтерите.“
Тој во истото интервју за списанието „Стори“ во 2022 година додаде:
„Ги разбирам луѓето зошто им е интересно да прочитаат нешто повеќе за мене, бидејќи немам навика да изнесувам детали од спалната соба или од кафаната каде што пијам ракија. Исто така сум свесен дека им е интересен мојот брак со Хана Хуљиќ и нејзината благословена состојба.“
