Годишниот одмор на Виктор Орбан, кој одмара на далматинските острови, влезе во четвртата недела, што може да се види и од опуштениот и невиден изглед на унгарскиот премиер – пренесува Вечерњи лист, кој напоменува дека тој првпат е „уловен“ со брада и очила за сонце и со капа непрепознатлив дури и за неговите сонародници.
Но, тој беше препознаен од шефот на Комисијата за надворешна политика на унгарскиот парламент, Жолт Немет и позираа за фотографија објавена на Фејсбук.
„Локацијата на средбата не беше откриена, но од рефлексијата на нивните очила може да се заклучи: Заклопатица, поточно нејзиното пристаниште, на островот Ластово. Маицата на Орбан привлече големо внимание: многу луѓе ја споредија прикажаната мапа со светските земји, тврдејќи дека тоа е Русија или САД и од неа извлекоа политички коментари, се додека упатените малку подобро не погледнаа и го препознаа – Ластово“, наведува Вечерњи лист.
