Ниту овие Оскари не можеа да поминат без проблематични забелешки и сочни одговори.
Во средиштето на оваа приказна се водителот Џими Кимел и актерката Ема Стоун, која го доби Оскарот за најдобра женска улога („Poor Things“), што е втора награда што и ја доделува Американската академија за уметности и науки.
Инаку, оваа награда ја доби и во 2016 година за улогата во филмот „Ла ла ленд“. Но што кажа познатото ТВ лице, односно водителот на Оскарите, што толку ја налутил актерката, како што многумина мислат?
„Тоа се сите делови од „Poor Things“ што ни е дозволено да ги прикажуваме на телевизија“, рече Џими Кимел на доделувањето на Оскарите во 2024 година, алудирајќи на голите сцени што Ема Стоун ги снимила во филмот.
Гледачите истакнуваат дека по таа забелешка, Ема му рекла на својот сопруг Дејв Мек Кари: „Тој е кретен“. Многумина се согласуваат со тоа што таа го кажала и истакнуваат: „И јас го забележав истото“.
Но има и фанови кои го тврдат спротивното: „Тоа апсолутно не е она што кадарот од доделувањето на Оскарите го прикажува“, „Не се обидувајте да читате од усни“, „Луѓето сами си толкуваат како што сакаат, не можете со сигурност да кажете што рекла“…
Има и такви кои истакнуваат дека Кимел бил во право зашто филмот изобилува со интимни сцени.
Актерката Ема Стоун се појавува во исклучително експлицитни сцени во филмот „Poor things“. Таа зборуваше за тој дел од нејзината улога, кој ѝ донесе бројни награди, меѓу кои и Златен глобус. Во мрачниот хумористичен научно-фантастичен филм од 2023 година, во режија на Јоргос Лантимос и сценаристот Тони Мекнамара, таа ја игра Бела Бакстер, односно Викторија Блесингтон, млада жена која еден научник ја оживеа откако си го одзеде животот. Потоа, таа побегна со развратен адвокат и се впушти во авантура на самооткривање.
View this post on Instagram
Ема Стоун изјави дека снимањето на секс сцените не е предизвик. „На некој начин тоа беше најлесниот дел бидејќи беше кореографија. Таа објасни што е потешко: „Да сфатите како да земете или изедете 60 португалски колачи, од кои првиот залак е вкусен, но на крајот навистина сакате да повратите“.
