Првиот трејлер за серијата Хари Потер е објавен на HBO Max. Истовремено, Ворнер Брос Дискавери официјално го објави почетокот на снимањето.
„Вашето писмо од Хогвортс е тука“, гласи натписот на објавата.
Се дознава дека еден од продуцентите на серијата ќе биде авторот на книгите за Хари Потер, Џ.К. Роулинг: претходно беше објавено дека таа ќе се погрижи серијата да одговара на заплетот на нејзините книги. Актерската екипа пак, ќе биде сосема нова за разлика од познатите глумци во филмот.
„Возбудени сме што ќе им дадеме на гледачите шанса повторно да го откријат Хогвортс. Хари Потер е културен феномен и неговите обожаватели сè уште чекаат што е можно повеќе нови содржини поврзани со светот на волшебниците“, се вели во најавата на серијата.
Фановите на „Хари Потер“ ќе уживаат во седум сезони: секоја ќе биде базирана на една од книгите. „Ворнер Брос. Дикавери“ го опишува новиот проект како „серија долга една деценија“.
Сè уште не е познат точниот датум на објавување.
