На официјалниот канал на „Warner Bros. Pictures“ во понеделникот беше објавен официјалниот трејлер за очекуваното продолжение на „Batman“.
Овој пат го гледаме Роберт Патинсон во улогата на Бетмен, а Зои Кравиц во улогата на жена-мачка.
Во новото продолжение Бетмен се обидува да го победи Ридлер кој го игра Пол Дано.
Во актерската екипа се и Енди Серкис како Пениворт, Џефри Рајт како Џејмс Гордон, Џон Туртуро како Кармин Фалкон, Питер Сарсгард како Гил Колсон и Колин Ферел како Освалд Коблпот.
Филмот е режиран од Мет Ривс, кој се потпишува и како ко-сценарист заедно со Питер Крег. Новиот филм за Бетмен пристигнува во кината на 4 март 2022 година.
