Земјотрес со јачина од 6,1 степени според Рихтер синоќа го погоди југоисточен Авганистан на границата со Пакистан.
Afghanistan earthquake: at least 130 dead after 6.1 magnitude quake strikes https://t.co/Et0b6XU2qH
— EMSC (@LastQuake) June 22, 2022
Досега се констатирани најмалку 280 смртни случаи, но бројот најверојатно ќе расте, како и на повредените, кои се, за сега, најмалку 600.
„Ги повикуваме хуманитарните агенции да обезбедат итна помош за жртвите од земјотресот за да се спречи хуманитарна катастрофа“, напиша на Твитер владиниот портпарол Билал Карими.
Земјотресот, според Американскиот геофизички институт (Усгс), е регистриран на 44 километри југозападно од Хост, во близина на границата со Пакистан, јужно од Кабул. Според геолошкиот институт на САД, епицентарот се наоѓал на длабочина од околу 51 километар.
Погодените области се областите Бармала, Зирук, Нака и Гајан во провинцијата Пактика. Сликите споделени на социјалните мрежи покажуваат луѓе на носилки, урнатини и разурнати куќи.
Европско-медитеранскиот сеизмолошки центар информира дека земјотресот бил почувствуван во радиус од над 500 километри, не само во Авганистан и Пакистан, туку и во Индија.
Областа на Авганистан долж планините Хинду Куш, каде што индиската тектонска плоча се судира со евроазиската плоча на север, не е нова за најсилните земјотреси.
