Принцезата Дијана и Елтон Џон беа пријатели и тој со песна ја испрати на нејзиниот погреб.
Според документите на британскиот национален архив, персоналот на палатата првично сакал да го одбие Елтон Џон како изведувач на погребот на принцезата Дијана, тврдејќи дека песната што тој ја избрал е „премногу сентиментална“, „NYPost“.
Како близок пријател на покојната принцеза, Џон ја преработил песната „Candle in the Wind“ за погребот во 1997 година.
Текстописецот Берни Топин го препиша приот стих за погребот, првично напишан за Мерлин Монро. Тој го смени „“Goodbye Norma Jean“ (Збогум Норма Џин), правното име на Монро, во „Goodbye England’s rose“ (Збогум роза на Англија), со посвета на Дијана.
Вестминстерската опатија, каде што се одржа погребот, имаше саксофонист на „стендбај“ во случај настапот на Џон да биде откажан.
Тогашниот декан на Вестминстерската опатија, свештеникот д-р Весли Кар, апелираше до кралското семејство, велејќи дека тоа би било „имагинативно и дарежливо“ за милиони луѓе кои се чувствуваат „лично ожалостени“.
View this post on Instagram
„Ова е клучна точка во погребот и ние ќе апелираме на смелост. Овде е местото на спој, каде што се случува неочекуваното и нешто од модерниот свет што го претставуваше принцезата“, напиша Кар во писмото до високиот функционер, потполковник Малколм Рос.
Тој продолжи: „Се што е класично или хорско“ ќе се смета за „несоодветно“, а песните од Џон ќе бидат „моќни“.
Да се биде „премногу сентиментален“, додаде тој, не е „лоша работа со оглед на националното расположение“, но предложи песната да не се печати, туку само да се пее, доколку тоа е загриженост.
„Тоа е популарна култура во најдобро издание“, напиша тој за музиката на Џон.
View this post on Instagram
Архивските документи открија дека кралското семејство сакало да го одбие настапот на Елтон Џон на погребот на принцезата Дијана. Во архивските белешки, песните на Џон биле опишани како „различен стил на музика, популарен и поврзан со принцезата“.
Дијана имаше 36 години кога загина на 31 август 1997 година во сообраќајна несреќа додека ја бркаа папараците во Париз. Нејзиното богато египетско момче Доди Фајед и возачот на парот, Анри Пол, исто така загинаа.
