Пејачот Радиша Трајковиќ – Ѓани се најде во центарот на вниманието откако на социјалните мрежи се појави видео на кое се гледа како разговара со полициски службеници на плажа во Бечиќи.
Снимката ја објави страницата „Подгорички времеплов“, по што брзо почна да се споделува и на други профили.
На видеото се гледа Ѓани, облечен во портокалови шорцеви и без маица, како стои на плажата опкружен со неколку полицајци. Пејачот видно гестикулира додека разговара со службениците, кои ја следат ситуацијата и комуницираат со него.
View this post on Instagram
Засега не е познато што му претходело на настанот, ниту поради што дошло до расправата меѓу пејачот и полицијата. Исто така, нема официјални информации дали против некого се преземени службени мерки.
Видеото предизвика бројни коментари на социјалните мрежи, а до моментот на објавување на информацијата Ѓани не се огласи јавно за случувањето.
