Манекенката и наставничка Маја Григоровска замина во Франција, а поводот е специјален.
Македонската јавност добро ја познава како едно од нашите најатрактивни ТВ-лица и модели, но веќе со години нејзиниот секојдневен фокус е насочен кон едукацијата на најмладите. Познатата манекенка Маја Глигоровска денес работи како одделенска наставничка.
Маја сега се врати на модната писта, и тоа на една од најпрестижните светски дестинации.
На социјалните мрежи таа објави видео од нејзиното последно модно дефиле во луксузниот хотел „Carlton Cannes“ во Кан, Франција.
„Модна ревија на Канскиот филмски фестивал со Викторија Џимревска“, објави Маја на Инстаграм.
Маја блесна во тесна, впечатлива креација во кралско сина боја со висок сјај, која совршено ја истакна нејзината беспрекорна линија.
„Секогаш е убаво да ѝ се вратиш на модата и на она што ти ја одбележало младоста, но мојата најголема љубов денес се децата и нивното образование“, рече Маја во претходни интервјуа.
View this post on Instagram
