Сите кои се чуствуваат осамено и изморено без сомнеж ќе се пронајдат во најновата песна на нашата музичка ѕвезда – Влатко Лозаноски – Лозано.
Живееме во време-невреме, време во кое секој од нас носи маска за да се заштити од овој лажен свет… Дали е вистинско време да ги извадиме маските и да бидеме навистина среќни? По се изгледа време е!
Новата песна на Лозано која неговата публика со нетрпние ја очекуваше е насловена „Маскенбал“. Како автори се потпишува тандемот Лазар и Магдалена Цветкоски.
„Маскенбал“ доби и свој видеоспот, а за неговите потреби, Лозано и неговиот тим отпатуваа во Италија, поточно во преубавата Венеција, каде цели три дена траеше снимањето.
Како режисер на спотот се потпишува долгогодишниот соработник на Лозано, режисерот Даниел Јовески, кој и овојпат го даде својот максимум.
За видеоспотот беше изработен специјален костим од познатиот моден дизајнер Андреј Папаз.
Слушнете ја „Маскенбал“.
