Лидија Кочовска, во искрена и исклучително емотивна исповед, проговори за загубата на мајка ѝ, и рече дека не е истата Лидија откако ја нема неа.
Низ солзи и со многу љубов во гостувањето за „Гламур магазин“, таа направи споредба меѓу своите родители и сестра и Тања, нагласувајќи ја единствената природа на мајка си, која секогаш знаела со мекост и разбирање да пристапи во секоја ситуација.
„Мајка… Никој не може да ја замени. Никој. Таа ми беше ветер во грб. Исто колку Тања и татко ми, меѓутоа Тања и татко ми се многу поранливи, но многу покрути. Мајка ми беше мекушка. На моите грешки, многу добро знаеше да ми каже: ’Ова ти е погрешно, не е како што треба‘. Меѓутоа, многу често знаеше да ме поддржи во сè. Начинот на кој ме викаше, начинот на којшто ми се обраќаше… многу, многу ми недостасува. Многу, многу ми недостасува. Не сум истата Лидија откако мајка ми почина“, рече Кочовска.
Невена Кочовска – вокалот на култниот ансамбл „Мањифико“, по долга и тешка борба со деменцијата почина во 2022 година.
