Фолкерот Радиша Трајковиќ Ѓани неодамна доживеа драма на настап кога гостин го гризна за стомакот.
Неговата сопруга Слаѓа сега се огласи и откри како се чувствува. Таа истакна дека Ѓани е на домашно лекување.
„Ѓани е добро, тој е дома. Моментално прима антибиотици“, рекла Слаѓа за српските медиуми, а потоа открила: „На крајот помина добро, ќе одат да ја проверат бенката, веројатно ќе ја отстранат“, додаде таа.
Слаѓа, исто така, откри дека пејачот го познавал човекот од претходно што го гризнал : „Ѓани го познава од претходно, сè започна како шега и заврши… така“, изјавила таа.
Да потсетиме, Ѓани завршил во болница откако гостин го гризнал за стомак на приватна забава во Стара Пазова. Гостинот понесен од песната и во момент на еуфорија го гризнал Ѓани и му откинал дел од бенка, па Гани прокрвавел.
Ѓани веднаш примил вакцина против тетанус и сега се опоравува.
