Ламбе Алабаковски ја промовираше песната „Дејгиди луди млади години“ – станува збор за преработка на популарната народна песна која оригинално ја испеа легендарниот Александар Сариевски.
Ламбе рече дека ова е една од неговите омилени песни.
„Морам да признаам дека стоеше спакувана во фиока околу 12 години, некако ми требаше време и таа, но и јас да созреам. Ете некако сега мислам дека е вистинското време за да ѝ ја претставам на мојата публика, но и на сите оние кои ја сакаат македонската традиционална песна”, рече Ламбе на промоцијата.
Аранжманот е на Дарко Димитров и Никола Мицевски. Димитар Андоновски беше задолжен за виолините, Нина Јанева ги пее придружните вокали, додека пак Никола Мицевски свири хармоника.
За песната беше снимен и видеоспот во Националниот парк Галичица и во Охрид.
