Српската актерка Анѓелка Прпиќ веќе некое време престојува во Црна Гора, од каде што сега се огласи. Таа снимила смешно видео за тоа како повеќето жени се опуштаат на одморот и не водат сметка за исхраната.
Анѓелка прво изразила незадоволство од својата телесна тежина.
„Стомакот ми е толку голем, повеќе ништо не јадам. Риба, салата и тоа е тоа“, рекла актерката, а недолго потоа почнала да набројува што сè ѝ се јаде.
„О, каде е жената со пченката, сакате ли пченка, деца?“, рекла таа, а потоа продолжила:
„Ау, ми падна шеќерот, можеби треба да изедеме некој сладолед. Што, тоа е само мраз и овошје“.
Недолго потоа, ја привлекол мирисот на крофни.
„Го чувствуваш ли мирисот на крофната, дај земам за нас две, три, за подоцна, за децата.
– Секоја жена во лето – напишала таа во описот на видеото.
View this post on Instagram
Инаку, Анѓелка неодамна отворно зборуваше за новото поглавје на својот живот и истакна дека е исклучително задоволна со фазата во која во моментот се наоѓа.
– Убаво ми е во мојот живот, во моето секојдневие. Прекрасно е кога ќе сфатиш дека, без оглед на тоа каде си свртел, имаш право да ги вклучиш сите четири трепкачи, да уфрлиш во рикверц, да тргнеш да излегуваш од таа улица… Има возачи кои ќе ти свират затоа што се нервозни, има и такви на кои не им пречи да почекаат, а во суштина, сè е до тебе. Ако ти во „тој автомобил“ седнеш отворен и решен да ја видиш убавата страна на сè, тогаш нема многу да те потресат другите возачи. Кога си напнат, тогаш те вознемирува дури и обичното отсуство на љубезност. Сè почнува од нас – рекла Анѓелка.
.
