Кети Пери беше една од гостите поканети на крунисувањето на кралот Чарлс III. Пејачката беше инаку задолжена за музичкото шоу по церемонијата, но ѝ се случи многу смешен момент кој бргу станала вирален. Тоа беше моментот кога не можеше да го најде своето место меѓу присутните во Вестминстерската опатија.
Пејачката била „уловена“ како изгледа загрижено и како „талка“ низ Вестминстерската опатија во потрага по своето место каде било предвидено да седне. Најпосле, успеала да си го најде местото за да го следи крунисувањето на кралот, но корисниците на социјалните мрежи се мајтапат на чудниот момент на 38-годишната девојка.
Katy Perry spotted looking for her seat at the #Coronation of King Charles III. pic.twitter.com/m2JmrCtNIg
— Pop Base (@PopBase) May 6, 2023
Пери пристигна заедно со уредникот на британскиот Вог Едвард Енинфул. Беше стилизирана во дизајн на Вивиен Вествуд, а изгледот го надополни со огромна шапка.
Корисниците на интернет брзо го овековечија моментот со коментари и мемиња, а со фотошоп постигнаа и ефект на сцена од култниот филм Ефтини приказни (Pulp Fiction).
Katy Perry y Vincent Vega confundidos en la #Coronation pic.twitter.com/0rinzR4KpG
— ácido (@acidoenlared) May 6, 2023
Инаку, Пери, која е сместена во замокот Виндзор, денес настапува на концертот организиран по повод крунисување на кралот на кој настапуваат и музичката легенда Лајонел Ричи, бендот Take That, италијанскиот оперски пејач Андреа Бочели, велшкиот бас баритон Сер Брин Терфел и многу други британски и американски музички ѕвезди.
View this post on Instagram
