Принцезата од Велс Кетрин е главна ѕвезда во видеото снимено пред турнирот во Вимблдон, кое има за цел да ја истакне важноста на работата на момчињата и девојките кои им ги сервираат топките на тенисерите.
Во видеото, сопругата на принцот Вилијам облечена во тениски костим на Вимблдон игра со тенисерот Роџер Федерер, кој осум пати го освојуваше турнирот.
Принцезата токму од Федерер добила и голем број совети за играње тенис, како нејзин личен „тренер“.
Инаку, самиот Федерер ја започнал својата кариера на теренот како момче кое собира односно им сервира топки на тенисерите.
Roger Federer & Kate Middleton did some filming.
It will be about the Wimbledon ball kids.
Tennis royalty & actual royalty.
🤴🏻👸🏻 pic.twitter.com/MQ7CzyWuBM— The Tennis Letter (@TheTennisLetter) June 24, 2023
Кејт Мидлтон е облечена во поло маичка без ракави „Core Performance“ од 52 фунти дизајнирана од рециклирани ПЕТ шишиња, тенис-здолниште од Стела Макартни за „Адидас“ од 50 фунти и тениски патики Jet Mach со лого на турнирот Вимблдон, од 135 фунти.
Кејт Мидлтон се сретна на теренот со Роџер Федерер уште во 2017 година кога му го предаде победничкиот пехар на Вимблдон.
