Тито најчесто ги поминувал дочекувањата на Нова година на Бриони, во друштво на музичари, уметници и политичари.
Некогаш првиот човек на Југославија, Јосип Броз Тито, ја поминал новогодишната ноќ низ целиот регион, но најчесто на Бриони. Сепак, се паметат и Новите години дочекани во Белград, Љубљана и Загреб, Нови Сад, Сараево.
За прославата на новата 1980 година се зборува и денес, а се славела во Нови Сад. Се говорело дека тој како да ја претчувствувал својата смрт, која се случила само четири месеци подоцна. Сепак, уште два дочека на кои присуствувал биле особено забележителни.
Дочек во 1973
Најпознатиот југословенски пар Тито и неговата сопруга Јованка Броз во далечната 1973 година ја дочекаа Новата година во Милочер, недалеку од Будва.
Протоколот за ваквите церемонии секогаш бил организиран до најмалите детали. Списокот на гости, распоред на седиштата, настапите и менито се планирани однапред. Прославите беа празнични, а тоа го покажуваат интересните реквизити како картонски капи, дури и каубојски капи, мексикански капи, кои Тито сакал да ги носи.
Тито сакал да ги собира своите најблиски соработници за новогодишната ноќ и да ужива во песните на најголемите југословенски ѕвезди со одбрана храна и пијалок.
На новогодишните прослави Тито сакал да игра валцер, да наздравува со гостите и да се весели со музика и тамбура.
Прослава на Новата 1977 година
Ноќта помеѓу 31 декември и 1 јануари 1977 година, маршалот Тито и неговата сопруга Јованка Броз славеле во хотелот „Парк“.
Ѕвезда на таа вечер беше и легендарниот Миодраг Петровиќ Чкаља, кој читаше хумористични честитки упатени до другарот Тито и другите политичари. Секако, ваква вечер во Нови Сад не можела да помине без тамбурашки оркестар и оркестарот на Јован Адамов. Таму биле и Мира Бањац, Борис Дворник, Иван Хајтл и Милка Стојановиќ.
Последна новогодишна прослава на Тито
Последната новогодишна вечер во 1979 година биле ангажирани најголемите уметници, и актерски и музички. Тито особено ги обожавал Миодраг-Мија Алексиќ и Чкаља, а овојпат за музичкиот дел биле задолжени Ѓорѓе Марјановиќ, Тереза Кесовија, Арсен Дедиќ и Предраг Живковиќ Тозовац.
Ниту болеста на Тито не го спречила да се појави на дочекот, а последната Нова година била организирана повторно во хотел во Нови Сад во 1980 година, кога тој бил највеселата личност на прославата.
Само неколку месеци подоцна, Тито почина на 8 мај 1980 година во Љубљана.
