Луксузната вила на манекенката Кара Делевињ вчера била зафатена од страшен пожар.
Имено, како што пренесуваат странските медиуми, таа за среќа во моментот на пожарот не била во куќата бидејќи моментално престојува во Велика Британија.
Се претпоставува дека пожарот избувнал во задниот дел од луксузниот имот, по што се проширил на поткровјето, при што дошло до уривање на покривот. Огнот го изгаснале дури 94 пожарникари.
На објектот е причинета голема материјална штета, а за среќа нема жртви.
Инаку, Кара ја купила оваа вила во Лос Анџелес од 8.000 квадратни метри во 2019 година за дури 7 милиони долари.
