Еве ги првите снимки од многу очекуваната документарна серија за Хари и Меган, која ќе дебитира на Нетфликс на 8 декември. „Никој не знае што се случува зад затворени врати“, велат војводте од Сасекс.
Војводите од Сасекс ги објавија првите слики од нивната документарна серија „Хари и Меган“, која ќе се емитува од 8 декември на Нетфликс. На гледачите им ветува интимен поглед на „што се случува зад затворени врати“. Тизерот, кој трае една минута, нуди необјавени фотографии од приватниот албум на парот, како и делови од дадените интервјуа.
Има драматични моменти како оној во кој принцот Хари вели: „Морав да направам се што е можно за да го заштитам моето семејство“. Во друг момент, Меган седи до Хари со рацете над лицето. Меѓу најсреќните фотографии се оние на Меган бремена, безгрижните денови со семејството и радосната снимка од венчавката која сигурно ќе ги израдува обожавателите на парот.
Серијата, резултат на договорот меѓу Хари и Меган и платформата за стриминг, ќе се емитува на 8 декември, само неколку дена откако принцот и принцезата од Велс ќе се вратат од нивната тридневна посета на Бостон.
