Неколку дена пред да доживее страшна несреќа во Македонија, во која ненамерно усмрти жена, Ѓорѓе Давид ги извршуваше секојдневните обврски.
Камерата од популарната српска емисија „Папарацо лов“ ги снимаше неговите движења во текот на денот во Нов Белград, каде што живее рокерот.
Членот на жирито на натпреварот „Ѕвезде Гранда“ прво отишол во кафуле на пијачка. Откако го напуштил кафулето, тој поздравил за јавноста непозната жена со бакнеж во образот, а потоа се ракувал со случаен минувач. Не се задржал долго, туку продолжил понатаму. Отишол во перална и си ги собрал алиштата, а потоа се упатил кон основното училиште во кое учи неговата ќерка.
Ја сочекал својата миленичка, која ја бакнал веднаш штом му пришла, а потоа со неа отишол во зградата каде што е фирмата во која работи неговата сопруга Ана, која инаку не живее со него, пренеува српски Курир.
Дека љубовта меѓу нив е голема и покрај тоа што живеат на две различни адреси, покажуваат и видеата на кои страсно се бакнуваат. Ниту таму Ѓорѓене се задржал долго, ја оставил ќерката кај нејзината мајка и продолжил понатаму.
Секаде се движел со својот автомобил, кој е уништен во сообраќајката кај Куманово.
Потсетуваме, Ѓорѓе налета на судир на два автомобили. Поради слаба видливост и неозначување на местото на несреќата, Ѓорѓе налетал на жена која се движела по автопатот, која за жал починала. Рокер поминал со полесни повреди.
Одземени му се патните документи и наложено му е до петок да не ја напушта Македонија.
