Оливера Балашевиќ, вдовицата на легендарниот музичае Ѓорѓе Балашевиќ, повторно ги разнежни своите бројни следбеници на социјалните мрежи.
Имено, на својот инстаграм-профил, таа сподели неверојатно трогателно видео со најмладиот член на семејството – внукот Ѓорѓе, кој го доби името по неговиот познат и никогаш прежален дедо.
Оливера објави емотивни моменти од семејниот дом во Нови Сад, во кои го држи малото момче во раце додека мирно спие. Со описот „Дремка после ручек…“, таа објави видео во кое нежно го ниша бебето во дворот, а она што им донесе солзи на очите на сите е песната што му ја пее тивко и со многу љубов.
Станува збор за познатата, топла приспивна песна „Ѓоле што га сви деца воле“, која нејзиниот покоен сопруг ја пеел со генерации, а која сега, во изведба на Оливера, за внукот носи сосема нова, емотивна тежина.
Додека во позадина можете да го видите прекрасниот, сончев двор на нивниот семеен дом, Оливера е целосно посветена на моментот, испраќајќи му ги најнежните пораки на својот внук, зачувувајќи го споменот на панонскиот морнар на најубавиот можен начин – преку музика, љубов и нова генерација што ја продолжува семејната лоза.
Оваа трогателна сцена предизвика лавина од реакции и емотивни коментари од оние што ја сметаа за доказ дека духот на Ѓоле сè уште живее преку неговото семејство и песните што никогаш нема да стивнат.
