Меѓународната заедница за миг беше шокирана од изјавата на поранешниот премиер на Велика Британија, Борис Џонсон.
Поранешниот премиер на Велика Британија Борис Џонсон во обраќање за време на седницата во Долниот дом на британскиот парламент направи лапсус што долго нема да се заборави.
Имено, Џонсон во текот на својот говор му се заблагодари на Владимир Путин за неговото инспиративно лидерство, наместо на претседателот на Украина Володимир Зеленски.
– Благодарение на херојството на украинската армија, делумно благодарение на оружјето што гордо го испраќаме, му честитам на мојот пријател (Џејмс Хипи, министер за одбрана) за она што го прави британската армија, за оружјето што го испраќаме, листата е долга. Благодарност, секако, и на инспиративното лидерство на Владимир Путин – рече Џонсон и застана.
Кога сфати што кажал, лапсузот веќе беше направен.
