Сите што присуствуваа на „безвременскиот лет“ вчеравечер на концертот на Меморија, во салата Борис Трајковски, сведочеа на незаборавно патување низ минатото,сегашноста и иднината.
Меморија уште еднаш ги спои сите генерации, од сите краеви на Македонија, на едно место, кои наизуст ги пееја добро познатите песни.
И изведувачите – Перо, Поце, Тинко, Димитар, Бане, Сашо – задоволни, и публиката пресреќна, а на социјалните мрежи „се вртеа“ селфи и групни фотографии уште од почетокот на концертот па до финалето – кулминацијата на журката, па така и тие што не беа во салата, веќе беа информирани како напредува расположението.
Концертот започна со „Македонија“, а потоа се редеа хитовите „Оган под ѕвездите“, „Дирлада“, Зошто Боже“…, а гости на концертот беа „Некст Тајм“.
За оние кои пропуштиле, ви носиме дел од атмосферата.
