Силен земјотрес ја погоди Босна и Херцеговина и беше почувствуван во целиот регион. Колку бил силен земјотресот се виде и во Црна Гора за време на преносот на ТВ Дневникот.
Водителката Милица Павиќевиќ ги чита главните вести и во моментот на земјотресот извикува „Опа!Во овој момент се случува земјотрес. Се надевам дека се ќе биде добро“, и продолжи да го води Дневник.
Zemljotres uživo – Pavićević gospođa i profesionalac pic.twitter.com/BdPuRUXEIX
— Serenity Drop (@StrijelacLav) April 22, 2022
Земјотресот, чиј епицентар беше во Херцеговина, ја потресе не само БиХ, туку и Црна Гора, Хрватска и Србија. Тресење се почувствува во Сараево, Тузла и други градови, најмногу во Херцеговина. Во Мостар многу граѓани во паника излегле на улиците, пишува Klix.ba, додавајќи дека на една улица се урнал оџак. Сообраќајот на таа улица бил блокиран, а на терен излегле пожарникари, додава сараевскиот портал.
