Северна Кореја денеска лансираше уште три балистички ракети во Јапонското Море, од кои една со долг и два со краток дострел.
Еден од проектилите го активира противвоздушниот аларм, што ги натера жителите на островoт во Јужна Кореја и жителите на делови од северна Јапонија да се засолнат.
Првично, кабинетот на јапонскиот премиер тврдеше дека проектил прелетал над земјата, но подоцна веста беше корегирана.
Вчера Северна Кореја тестираше најмалку 23 проектили од различни типови, а испука и околу 100 артилериски куршуми од округот Косонг, кон морето, во тампон зона формирана во 2018 година за намалување на тензиите.
Такехиро Фунакоши, директор на азискиот оддел на јапонското Министерство за надворешни работи, Сон Ким, специјален претставник на САД за КНДР и Ким Гон, специјален претставник на јужнокорејското Министерство за надворешни работи за мир на полуостровот, заеднички го осудија ракетното лансирање на Пјонгјанг.
Сојузниците ги нарекоа лансирањато „закана за безбедноста на регионот“ и сериозен предизвик за целиот свет. Покрај тоа, тие ја потврдија својата подготвеност да работат заедно за да се обезбеди безбедност.
Информациите за новите ракетни лансирања на КНДР се појавија ноќта на 3 ноември. Според извештаите на медиумите, севернокорејската страна извршила три лансирања на балистички ракети во областа на Јапонското Море. Во исто време, јапонското Министерство за одбрана соопшти дека ниту една граната не ја преминала јапонската територија.
