Полицијата во Тирана ја приведе Руенца Хаџиај, позната како Енца, под сомнение за производство на наркотични растенија.
Албанските медиуми јавуваат дека пејачката живее во населбата „Луандер“ во периферијата на Тирана во приватна вила каде што била спроведена полициска акција „Балкон“, која следувала по добиени информации по оперативен пат.
Приведено е и момчето на Енца, а при контрола на домот пронајдени и одземени се пет саксии во кои имало засадено марихуана.
По апсењето пејачката изјавила дека е корисник и марихуаната ја одгледувала за лична употреба.
Во изминатите неколку месеци, во Албанија се уништени илјадници стебла канабис и откриени се одгледувачите на ова наркотично растение.
