Легендарниот глумец Ален Делон, почина на 89-годишна возраст, по долго и тешко боледување.
Погребот на Ален Делон ќе биде извршен во наредните денови на приватна церемонија, како што соопшти неговото семејство. Децата на актерот ја изразија својата тага преку соопштение, но се уште се борат меѓусебе за наследството на актерот.
„Сакам да се одморам со моите кучиња“, една од најличните и најтрогателните аспекти на тестаментот на Ален Делон се однесува на неговата желба да биде погребан со своите кучиња.
Актерот отсекогаш имал длабока врска со своите животни, сметајќи ги за неразделни животни сопатници. Во едно интервју, тој јасно ја кажа оваа желба:
– Сакам да бидам погребан со моите кучиња. Не ми е гајле за ништо друго, само сакам да бидам со нив. Тие беа единствените кои ме сакаа безусловно, секогаш покрај мене, не барајќи ништо за возврат – рекол актерот, а пренесува Декрипто.
Делон стави до знаење дека има приватни гробишта на својот имот во Швајцарија, каде што се закопани сите негови кучиња. За него, идејата да биде погребан до нив претставуваше продолжување на врската која не сакаше да ја прекине ниту со смрт.
– Нема почиста љубов од кучешката љубов. Тоа е врска што го надминува животот. Сакам да бидам со нив, бидејќи со нив ја запознав вистинската љубов.
