Во тешка трамвајска несреќа што се случи вчера во Сараево загина младиот Ердоан Моранкиќ од Брчко, син на пејачот Арман Моранкиќ.
Според информациите, Ердоан се наоѓал на трамвајска постојка кога трамвај што сообраќал од правец на Железничката станица излетал од шините и удрил во просторот каде што чекале патници.
Младиот студент починал на самото место, а уште четири лица се повредени и им била укажана медицинска помош.
Ердоан бил студент на Академијата за ликовни уметности во Сараево и престојувал во студентски дом во градот.
Неговиот татко, Арман Моранкиќ, ѝ стана познат на јавноста по учеството во музичкото натпреварување „Никад није касно“ во 2024 година, каде што стигна до финалето.
