Изминативе денови се зборуваше за можно излегување од конкуренција на филмот „Топ Ган Маверик“ од престижниот Кански фестивал, но сега, освен што може да се потврди проекцијата на филмот на големиот филмски настан, може да се каже и дека глумецот Том Круз се враќа на голема врата со сите почести!
Всушност, потврдено е дека покрај специјалната проекција на „Top Gun Maverick“ што ќе се одржи на 18 мај за време на Канскиот филмски фестивал, Том Круз ќе биде и почесен гостин на Фестивалот, а филмот лично ќе го претстави во Palais des Festivals.
Вечерта ќе започне со специјално оддавање чест на актерот/продуцентот и неговата славна филмска кариера, точно триесет години подоцна од денот кога Круз присуствуваше на 45-тата церемонија на затворањето на Канскиот фестивал, со филмот „Far and Away“ на Рон Хауард на 18 мај 1992 година.
Да потсетиме дека Paramount Pictures премиерно ќе го емитува филмот Top Gun: Maverick на 25 мај во Франција и 27 мај во САД, додека италијанското издание закажано за 26 мај. Официјалниот состав на 75-тото издание на Канскиот филмски фестивал ќе биде објавен на 14-ти април.
Инаку, филмот е продолжение на култниот филм „Топ Ган“, а подготвен е за промоција четири години по почетокот на снимањето, официјално започнато на 31 мај 2018 година.
