Бред Пит тврди дека Анџелина Џоли тајно го продала својот дел од нивниот заеднички имот во Франција каде што имаат лозја. Сега пак, од таборот на Анџелина Џоли го возвраќаат ударот но со шокантни информации и обвинувања против Бред.
На војната меѓу Џоли и Пит не и се гледа крај.
Откако успеа да докаже дека Анџелина одбила да му ја продаде својата половина од француското лозје, затоа што е одмаздољубива, Бред Пит пред само два дена поднел нови судски документи.
Но, извор близок до актерката тврди за Page Six дека Џоли не го откажала договорот за лозје затоа што сакала да се инаети со својот поранешен сопруг, туку затоа што Пит се обидел да зборува за неговото наводно малтретирање на нивните деца.
Познато е дека Пит беше јавно обвинет за „гушење и удирање“ на едно од нивните деца за време на неславниот приватен лет во 2016 година, како и за „истурање пиво“ врз Џоли.
Цитирајќи ги судските документи поднесени во 2022 година, пријателот на Анџелина рече: „Вистината е дека [тој] одби да ја заврши продажбата на Миравал со Џоли, освен ако таа не се согласи да молчи за малтретирањето… Тој побара да се задржат 8,5 милиони долари (од неговиот дел од винаријата) за да ја принуди да молчи“. (Намерата, наводно, била Пит да задржи дел или сите 8,5 милиони долари доколку Џоли некому каже за тоа).
Извор близок до актерката додаде дека без разлика каков маневар се обидел да направи Пит, „не може да избега од фактот дека вербално и физички ја нападна госпоѓа Џоли и нивните деца, па дури и го гушел едното од децата, а другото го удрил“.
