Теа Таировиќ ја објави песната „Голубе“, која пред повеќе од две децении прва ја испеа Наташа Ѓорѓевиќ. Верзијата на Теа за само неколку часа наиде на голем интерес кај публиката, но истовремено предизвика и бурни реакции на естрадата.
Додека обожавателите со воодушевување ја споделуваа новата верзија на песната, чиј автор и композитор е Пера Стокановиќ, дел од јавноста смета дека оригиналната изведба на Наташа е подобра. Некои отидоа и чекор подалеку, обвинувајќи ја Теа дека песната ја претставила како своја.
Меѓу оние што јавно реагираа се најдоа и пејачките Сашка Каран, Јована Типшин и самата Наташа Ѓорѓевиќ.
Сашка Каран, како и Јована Типшин и Ѓорѓевиќ, на своите приказни на социјалните мрежи споделиле порака во која ја прозваа Теа.
„Теа Таировиќ ладно ја претстави песната „Голубе“ како своја, а всушност песната е на драгата Наташа Ѓорѓевиќ од 2002 година. Теа, биди чесна, па убаво напиши во заграда дека е преработка, а не твоја песна“, стоело во објавата.
Дополнително, во пораката се споменува и песната „Не заборави ме“ на Јована Типшин, која, според критиките, Теа ја изведувала на концерти без да наведува чија е песната.
„Исто така, ја пее на концертите песната на Јована Типшин, „Не заборавај ме“, а никогаш не кажува чија е песната. Дека е убаво – не е. Дека е безобразно – и тоа како е“, се наведува во реакцијата.
Во истата објава се додава и дека новата верзија на „Голубе“ не може да се спореди со изведбата на Наташа Ѓорѓевиќ.
Ѓорѓевиќ ја пренела објавата и на својот профил, иако Теа неодамна во интервју открила дека разговарала со својата постара колешка и дека таа од срце ѝ посакала успех.
Целата ситуација брзо се преселила и на социјалните мрежи, каде што започнала дискусија за тоа кому всушност му припаѓа песната.
Дел од корисниците потсетуваат дека автор на песната е композиторот Пера Стокановиќ, а не Наташа Ѓорѓевиќ. Според нив, Теа со својата верзија не ја присвоила песната, туку повторно ја популаризирала и ја потсетила публиката на одличната пејачка и нејзината оригинална изведба.
Така, песната што по повеќе од 20 години повторно се најде во центарот на вниманието, наместо само поради новата верзија, предизвика и вистинска мала естрадна полемика.
