Џејми Спирс (71) бил хоспитализиран неколку недели поради тешка инфекција за која била потребна операција, пишува Пејџ сикс, цитирајќи извор близок до семејството.
Оваа година е вторпат таткото на Бритни Спирс да биде примен во медицинска установа. Тој претходно сесоочи со компликации од операцијата на коленото и беше принуден извесно време да остане под медицинска нега.
Exclusive: Britney Spears’ estranged dad, Jamie Spears, is “severely ill” and has been battling a “bad infection” in an infectious disease facility “for weeks,” sources tell me. https://t.co/O3uMiJFeh7
— Nicholas Hautman (@nickhautman) October 5, 2023
Потоа изгуби повеќе од 11 килограми. Во исто време, имаше гласини дека Бритни сакала да се помири со нејзиниот татко поради неговите здравствени проблеми, но по некое време пејачката се предомислила за подобрување на односите со Џејми. Според извори блиски до пејачката, таа никогаш не може да му прости за старателството долго цели 13 години, верувајќи дека ѝ украл добар дел од животот.
„Навистина се чувствував како татко ми да сака да ме убие и се надевам дека ќе гори во проклетиот пекол“, напиша Бритни пред една година на социјалните мрежи.
За возврат, Џејми, откако престана да биде старател на неговата ќерка, се однесуваше прилично воздржано и не ги коментираше нејзините напади кон него.
Бритни Спирс моментално е во процес на развод од сопругот Сем Асгари со кој беше во врска шест години, а во брак 14 месеци. Фитнес инструкторот и актер со иранско потекло се исели од луксузниот дом на неговата сопруга и сега живее во луксузен апартман во Лос Анџелес, чија кирија ја плаќа пејачката
Осаменоста ја влоши веќе нестабилната емоционална состојба на уметницата. Таа се повеќе ги плаши фановите со своите хаотични танци, а неодамна танцуваше и со ножеви – танцот заврши со доаѓање на полицијата.
