Сексот не е дел од мојата визија за кинематографијата. А вистината е дека во реалниот живот е тешко да се снимаат секс сцени бидејќи сите се толку напнати. Ако беше малку проблематично да се направи тоа порано, сега е уште повеќе, изјави aмериканскиот режисер Квентин Тарантино во интервју за шпанскиот весник Diari ARA, пренесе New York Post.
Тој додаде дека би се одлучил за еротски сцени доколку тие се важни за приказната на филмот, но дека тоа не е потребно.
Тарантино, наводно, работи на својот десетти и последен филм, со работен наслов „Филмскиот критичар“, за кој рече дека се фокусира на жена критичар.
Тој моментно поминува многу време во Тел Авив, бидејќи од 2018 година е во брак со израелската пејачка Даниела Пик, со која има две деца.
Тарантино е познат по својот фетиш за стапалата, а во филмовите често прикажуваше актерки без чорапи во крупен кадар.
„Пред мене, овој фетиш го дефинираше Луис Буњуел, друг филмски режисер. За истото беше обвинет и Хичкок, како и Софија Копола“, рече тој.
