Легендарниот Здравко Чолиќ веќе неколку децении доминира на регионалната музичка сцена, а за да може да го направи тоа мора да биде во врвна форма.
Сè уште е полн со енергија на концертите, а таа енергија се должи и на редовните тренинзи на Кошутњак во Белград, каде прави стомачни вежби, и практикува брзо одење.
Самиот Чола своевремено откри дека користи терапија со кислород во барокомора, што е 100 отсто природен начин за намалување на воспаленија, забрзување на заздравувањето на раните и оптимизирање на физичките и менталните перформанси.
Чолиќ (72) е и голем гурман, а тоа го потврди и готвачката во еден познат белградски ресторан кој пејачот често го посетува.
„Тој секогаш нарачува домашни готвени јадења кои се на менито на ресторанот за тој ден. Сака домашни лепињи и погачи кои ги месам. Често доаѓа со семејството, па дури и нарачува храна на телефон, па минува само да ја земе. Бидејќи тоа е ресторан за домашна храна, нема модерни колачи, но правиме вистински пити, кремпити што ги правеа некогаш нашите баби, како и пити со ореви. Сето тоа многу го сака“, коментира готвачката.
За неговите оброци се вели дека се „вистинска драматургија“ зашто имаат свој вовед, врв и заклучок. Па така поаѓа од аператив, предјадење, главно јадење кое најчесто е риба, а на крајот јаде и десерт и пие чаша од омилениот пијалок. Сепак, Чола како и во се друго, така и во јадењето е умерен. Неговиот детокс пак се сосои од свежо цедени сокови.
„Секој ден цеди по пет килограми портокал и четири килограми цвекло. Вели дека тогаш и соковникот се заморува“, пренесува Боснаинфо.
Чола обожува и сарма, полнети пиперки, но и бифтек кој често сам го подготвува. Омилени спеак, му се истарските специјалитети па често своите одмори ги минува со семејството на Истра.
