Поранешната пејачка Весна Ривас минува низ мирен, но значаен животен пресврт по тешкиот период во кој нејзиниот сопруг Драган доживеа мозочен удар.
Денес, тој полека се опоравува, а Весна целосно се посвети на тумачење роден код и судбински карти, работа што, како што вели, ѝ носи стабилност, многу патувања и добра заработка. Годинава поминала три месеца на море и вели дека конечно си дозволила да живее без притисок, благодарение на трудот и упорноста што ги вложила во последните години.
„Мојот Драган по ударот не може да патува, но важно е дека ја добивме битката. Се движи, живее, сака да лови риба. Тоа ми е најголемото олеснување,“ раскажува Ривас.
Истовремено, таа одлучила целосно да ја остави музиката зад себе, сметајќи дека таа ера за неа е завршена.
„Не сакам веќе да пеам. Музиката се смени, а јас таму себе не се гледам. Тоа поглавје е затворено,“ вели Весна, но не ја исклучува можноста да покрене авторска емисија.
Секогаш отворена за коментари, таа повторно се осврна и на долгогодишниот конфликт со Јована Јеремиќ, обвинувајќи ја дека лаже за својот просек на факултет.
„Не беше тој просек што го пријавуваше. Имала многу пониски оценки. Но, не е ни важно, влегуваме во нова ера, а бројот девет доминира кај тие што го носат,“ додава Ривас.
Се потсети и на физичкиот судир со Гоца Божиновска, за кој вели дека бил тежок момент за двете. Истакнува дека нејзината реакција била условен рефлекс и дека целиот инцидент ѝ донел многу неправди, но и важни животни лекции.
Ривас искрено зборува и за почетоците со Драган, кога како млади парови без пари почнале да живеат во изнајмен стан и да создаваат сè од нула.
„Спиевме на душек, а јас облеката ја варев во лонец. Сè создадов сама, со свој труд и со поддршка од семејството. Затоа толку остро реагирам на денешните спонзорства и слични појави,“ вели таа.
Денес, Весна живее мирно, горда што го извела својот син на правилен пат и што успеала да ја затвори музичката приказна без жалење.
„Сè што сакав – го добив. Сè што сакав – го испеав. Немам што да поправам во минатото,“ заклучува Ривас, задоволна што по бурните години конечно пронашла мир, нова насока и живот исполнет со труд, љубов и благодарност.
