Актерката Софија Вергара (51) неодамна откри дека се разведува од колегата Џо Манганиело (46), а најголемото прашање на нивниот развод беше кој ќе го добие нивното куче Баблс.
Софија претходно зборуваше за Баблс и истакна дека кучето е нејзино, но дека многу повеќе го сака Џо. Сега извор близок до парот откри дека актерката кучето ќе му го остави сепак на поранешниот сопруг.
„Нема шанси Џо да се раздели од своето сакано куче и Софија го знае тоа“, изјави за „Пејџ шест“ извор близок на парот.
„Никој од нив не е огорчен и не бара одмазда, а Софија го сака Баблс и сака тој да биде среќен и затоа му го дава на „старателство“ на Џо“, додава изворот.
Потсетуваме, Џо и Софија пред две недели ги потврдија гласините дека се разведуваат, а многумина веднаш се запрашаа што ќе се случи со нивниот сакан миленик.
“Тоа куче ме мрази. Го интересира само Џо”, рече Софија зборувајќи за Баблс.
