– Како што најавивме во следните денови времето ќе се задржи претежно стабилно и суво со подолги сончеви периоди. Исклучок ќе биде вторник кога ќе има повеќе облачност и ќе има услови за слаби локални врнежи од дожд и снег на повисоките места и на планините. Ќе биде и ветровито, односно ќе дува умерен, повремено засилен ветер од северен и од североисточен правец, и истиот наизразен ќе биде во вторник. Што се однесува до температурите, минималните насекаде ќе се спуштаат под нулата, и истите понатаму понекаде ќе се спуштаат дури до околу -10 степени, додека максималните ќе се искачуваат во интервалот од 3 до 10 степени, додека во најтоплите предели истите се очекува да се искачат и малку над 10 степени- вели нашиот метео прогнозер Славчо Попоски.
И во Скопскиот регион во следните денови времето ќе биде претежно стабилно и суво со подолги сончеви периоди. Ќе дува умерен, повремено засилен ветер од северен и од североисточен правец. Минималните температури ќе се спуштаат во интервалот од -4 до -1 степен, додека максималните ќе се искачуваат во интервалот помеѓу 9 и 12 степени. Поголемо затоплување на времето и продор на значително потопла воздушна маса од југ се очекува од средината на следната недела па натаму.
