– Продолжува периодот на променливо облачно време со сончеви периоди и со слаб до умерен ветер од јужен и од југоисточен правец. Повремено и локално ќе има позначителна облачност, а утре особено на запад и на југозапад ќе има услови за локален краткотраен дожд. Минималните температури и понатаму ќе бидат релативно ниски, и понекаде ќе се спуштаат за некој степен под нулата, додека максималните ќе се искачуваат во интервалот од 8 до 16 степени, што значи дека во следните денови максималните температури ќе бележат тенденција на мал пад, вели нашиот метео прогнозер Славчо Попоски.
И во Скопскиот регион ќе продолжи променливото време со сончеви периоди. Ќе дува слаб до умерен ветер од југоисточен правец. Минималните температури ќе се спуштаат помеѓу 0 и 1 степен, додека максималните ќе се искачуваат во интервалот помеѓу 14 и 16 степени.
