– До вторник во Македонија ќе продолжи променливото и нестабилно време со локална појава на пороен дожд, грмежи и засилен ветер. Локално процесите можно е да бидат ПОИНТЕНЗИВНИ и застапени во форма на НЕВРЕМЕ. За време на овој викенд ќе дува и умерен до засилен ветер од северен правец, особено изразен Долж Повардарието.
И во Скопје и околината ќе продолжи променливото време. Ќе има услови и за локална нестабилност проследена со пороен дожд, грмежи и засилен ветер. Што се однесува до температурите, тие ќе бележат тенденција на постепен пораст. Поголем пораст на температурите ќе има од првите денови на следната недела, кога максималните температури ќе се искачуваат во интервалот од 27 до 34 степени. Од среда па натаму Атмосферата ќе биде постабилна, иако не се исклучува можноста за ретка појава на попладневен краткотраен дожд и грмежи- вели метео прогнозерот Славчо Попоски.
