– Уште денес времето во Македонија ќе се задржи променливо облачно со повремени врнежи од дожд. Локално ќе биде нестабилно со пороен дожд, грмежи и засилен ветер. Локално ќе има услови за појава на НЕВРЕМЕ, проследено со интензивен пороен дожд кој може да услови поројни поплавувања, силен ветер, силни електрични празнења и со појава на град. Температурите ќе бидат под просекот за овој дел од годината и истите ќе се искачуваат во интервалот од 19 до 28 степени. И во Скопскиот регион ќе има појава на локална нестабилност, проследена со пороен дожд, грмежи и засилен ветер. Можна е појава на локално НЕВРЕМЕ и во делови од Скопската котлина.
Максималната температура денеска во Скопје ќе се искачи до околу 24 степени. Потоа од утре па натаму следува значително постабилно време со многу повеќе сонце.
Температурите ќе бележат тенденција на ЗНАЧИТЕЛЕН и на БРЗ пораст и веќе од вторник па натаму истите речиси насекаде ќе надминуваат 30 степени, додека од средината на седмицата во најтоплите централни и југоисточни предели температурите ќе се искачат дури до околу 40 степени, со што повторно ќе бидеме под влијание на МНОГУ ТОПЛА воздушна маса од Африка, вели метеопрогнозерот Славчо Попоски.
