– Денес повторно на повеќе места низ Македонија ќе има пороен дожд, грмежи и засилен ветер. Локално можна е појава на ново НЕВРЕМЕ проследено со обилен пороен дожд, силен ветер, силни електрични празнења и со услови за појава на град.
Потоа утре ќе има преодно стабилизирање на времето, додека во недела навечер и во текот на ноќта кон понеделник, како и во понеделник повторно ќе биде нестабилно на повеќе места со пороен дожд, грмежи и засилен ветер. Локално повторно ќе има услови за појава на НЕВРЕМЕ.
Температурите ќе се искачуваат во интервалот од 25 до 31 степен, додека нешто пониски температури ќе имаме денес и истите ќе се искачуваат во интервалот од 22 до 27 степени.
И во Скопје денес како и повторно во недела навечер и во текот на ноќта кон понеделник ќе биде нестабилно со пороен дожд, грмежи и засилен ветер. Во делови од котлината можна е појава на невреме, вели метеопрогнозерот Славчо Попоски.
