СЛАВЧО ПОПОСКИ НАЈАВУВА: Каде ќе падне првиот снег?

– И во текот на следниот период времето ќе продолжи да биде облачно со чести врнежи од дожд. Повремено врнежите ќе бидат ПОИНТЕНЗИВНИ и локално ќе наврнат нови над 50 л/м2 воден талог, со што е можно да дојде и до локални ПОПЛАВУВАЊА, вели метео прогнозерот Славчо Попоски.

Според Попоски поради невообичаено ниските температури на воздухот, на високите планини повремено ќе има врнежи од СНЕГ, а ќе дува и слаб до умерен ветер од источен и од североисточен правец.

– Температурите ќе се искачуваат во интервалот од 8 до 15 степени. Во Скопје и околината времето ќе биде облачно со повремени врнежи од дожд со променлив интензитет, додека температурите ќе се искачуваат во интервалот од 11 до 14 степени, вели Попоски и продолжува:

– Според моменталните анализи со коi располагаме, за брзо време стабилизација на временската состојба нема кај нас, што значи дека врнежливото време ќе се задржи и во текот на целата наредна седмица, а од Арктикот ќе пристигне уште постуден воздух, но за ова повеќе детали ќе имаме понатаму.