Шакира и Пике, преку своите адвокати, се обидуваат да стигнат до финален договор за разделба, а за сега, еве што е договорено.
Се очекува нов живот на хоризонтот за Шакира, нова свежина по официјализирањето на нејзината разделба со Жерар Пике.
Колумбиската уметница ќе замине да живее на Флорида со децата (кои ги има заедно од врската со фудбалерот на Барселона), Милан и Саша, и ќе мора да ги сноси трошоците за одржување, оставајќи ја Барселона, а со тоа и Шпанија.
Според она што го објави „Кориере“, се уште не се знае дали договорот за разделба меѓу двајцата сега најозборувани поранешни партнери ќе претрпи уште некое дополнување, или е фиксиран како конечен.
Она што е сигурно е дека – според договореното – играчот на Барселона ќе добие 2,5 милиони евра, голема сума што ќе покрие 20% од долгот што треба да се подмири, и најмалку 5 патувања годишно во прва класа со авион, од Барселона до Мајами, за период од една година, да се види со децата.
Шакира од своја страна треба да се грижи за децата и да плаќа училишта. Со оглед на тоа што старателството паѓа на неа, кај неа остануваат и сите останати трошоци за децата, без алиментација, но со право да се отсели од Шпанија и да се пресели, заедно со децата, во САД.
Во договорот е вклучена и една точка која до сега Пике не ја почитува. Имено, годишниот договор предвидува дека во времетраење во тој период (од една година) ниту еден од поранешните партнери да не се појави во јавност со нов потенцијален партнер/ка. Пике пак, како што знаеме, веќе се појави во јавност (и тоа за сега два пати) со новата избраничка, 23 годишната Клара Чиа Марти за која се зборува дека е, веројатно, бремена од фудбалерот.
